پەتروپاۆلدا  جاڭا ىقشاماۋدان بوي كوتەرەدى

قازىر بۇل اۋماقتا 200-دەن استام ءبىر قاباتتى اقشاڭقان ۇيلەر قاز-قاتار  تىزىلگەن. ىزگى باستاما اياسىندا جەر تەلىمدەرىنە كەزەكتە تۇرعاندار وسىندا قونىس تويلارىن اتاپ وتپەك.  از عانا ۋاقىتتىڭ ىشىندە قالا ماڭىنداعى ايتاقىر جەرگە بىركەلكى جوبا نەگىزىندە جاڭا ۇيلەر بوي كوتەردى.

«مەملەكەتتىك باعدارلاما 2017 جىلدان باستاپ جۇزەگە اسىرىلىپ كەلەدى.  ۇيلەردىڭ اۋماعى 70-90 شارشى مەتردى قامتيدى.  اۋلالار تۇگەلدەي اباتتاندىرىلدى.  ەندى ينجەنەرلىك جەلىلەر تارتىلىپ,  جولدار سالىنادى», دەيدى قالالىق قۇرىلىس ءبولىمىنىڭ سەكتور مەڭگەرۋشىسى ماريام مۇقاشەۆا.

باسپانا تۇرعىزۋمەن  ەكى مەردىگەر كومپانيا اينالىسادى. «زەرتتەۋ سك» سەركىتەستىگى وزىنە تاپسىرىلعان 72 ءۇيدىڭ قۇرىلىسىن اياقتاسا, «قۇرىلىس سەرۆيس سك» جشس 139 ءۇيدىڭ 11-ءىن سالىپ بىتىرگەن. قازىر قاراعاي قىرلى بورەنەلەردەن قابىرعا تۇرعىزۋ, شاتىرىن جابۋ سەكىلدى جۇمىستار قىزۋ جۇرگىزىلۋدە.

مەردىگەرلىك كومپانيانىڭ جوبالاۋ-تەحنيكالىق ءبولىمىنىڭ جەتەكشىسى تاتيانا  سيباگاتۋللينانىڭ سوزىنە قاراعاندا,  ۇيلەردىڭ سىرتى سايدينگپەن, ال سەندۆيچ پانەلدەر شىنىماقتامەن قاپتالعان.

جاڭا باسپانالار قالالىق اكىمدىكتە جەر تەلىمدەرىنە كەزەكتە تۇرعاندارعا بەرىلەدى. ءبىر شارشى مەترى 120 مىڭ تەڭگە تۇرادى.

جەر تەلىمى كەزەگىندە  ءالى 7 مىڭعا جۋىق ادام كەزەكتە تۇر. 

ءومىر ەسقالي,

«ەگەمەن قازاقستان»

سولتۇستىك قازاقستان وبلىسى